هي سرڪاري ۽ نجي شعبي جي امداد ڏيندڙبرادريءَ جي نمائنده تنظيم آهي، جيڪا دنيا ۾ موجود بين الاقوامي زرعي تحقيقي مرڪزن جي مدد ڪري ٿي. اهو مرڪز گهٽ آمدنيءَ وارن ماڻهن ۾ خوراڪ جي فراهميءَ کي وڌائڻ سندن معاشي ۽ غذائي حالت کي بهتر بنائڻ جي لاءِ جاکوڙي ٿو . CGIAR کي عالمي بينڪ ۽ ٻين بين الاقوامي تنظيمن جو سهڪار حاصل آهي. اها تنظيم 1971ع ۾ قائم ٿي ۽ ان جو مرڪز واشنگٽن ڊي سي ۾ آهي. مٿي ٻڌايل تحقيقي مرڪزن ۾ ڪولمبيا جو سينٽرو انٽرنيشنل ڊي ايگريڪلچر ٽراپيڪل (CIAT) ، مئڪسيڪو جو سينٽر دي مئجورا مينٽو ڊي مئيز واءِ ٽرائيگو (CIMMYT) ، اٽليءَ جوانٽرنيشنل بورڊ فار پلانٽ جينٽيڪ ريسورسز (IBPGR) ، شام جو انٽرنيشنل سينٽر فار ايگري ڪلچرل ريسرچ ان ڊراءِ ايرياز (ICARDA) ، آمريڪا جو انٽرنيشنل ڪراپ ريسرچ انسٽيٽيوٽ فار سيمي ايرڊ ٽراپڪس (icrisAT)، سريلنڪا جو انٽرنيشنل ايريگيشن مينيجمينٽ انسٽيٽوٽ (IIMI) ،نائيجيريا جو انٽرنيشنل انسٽيٽوٽ فار ٽراپيڪل ايگريڪلچر (IITA) ، ايٿوپيا جو انٽرنيشنل لائيو اسٽاڪ سينٽر فار ايفريڪا (ILCA) ، ڪينيا جو انٽرنيشنل ليبارٽري فار ريسرچ آن اينيمل ڊزيز (ILRAD) ، فرانس جو انٽرنيشنل نيٽ ورڪ فار امپروومينٽ آَف بنانا، ايند پلاٽين (INIBP)، فلپائين جو انٽرنيشنل رائيس ريسرچ انسٽيٽيوٽ (IRRI) ، هالينڊ جو انٽرنيشنل سروس فار نيشنل ايگريڪلچر ريسرچ (ISNAR)، ۽ اولهه آفريقا جو رائيس ڊولپمينٽ ايسو سيئيشن (WARDA) شامل آهن